قال : انتى طالق ...... قالتله قوم بينا ننام !!!!! (( ايه اللى حصل فى الدنيا ))

[ED GIEN]

ازيكم يا جماعه ؟؟

يمكن حد لما يقرا عنوان الموضوع يحسبه هزار


قالها انتى طالق .... قالتله قوم بينا ننام !!

مثل قديم من الامثال

لكن اللى يفهمه فعلا ... يعرف ايه معناه


موضوعنا اليوم عن كرامه المرأه

الكرامه والكبرياء التى عرفت بها المرأه

فعندما تجد الكرامه ..... بالتأكيد حينها ستجد المرأه


ليه يا جماعه الستات فى مجتمعنا بيتنازلو عن كرامتهم




مثل ما يتنازل
اغنى اغنياء العالم عن قطعه ذهب صغيره وجدها على الارض !!!

ليه يا جماعه الستات فرطو فى كرامتهم كده

من ناحيه الرجال

فتتنازل المرأه عن كرامتها فى جميع الاحوال تحت اسم :

عايزه اعيش بقا !!!!

هى دى الكلمه المبرره دائما

ولكن يظل التساؤل


الكرامه عند الرجل ..... مثل الحياه والنفس الذى يتنفسه
الكرامه عند المرأه ..... مثل الحشره التى تدهس بالاقدام

وطبعا مش كل الرجاله والستات

بس ليه يا جماعه التفريط فى كرامه المرأه والاستهزاء بها

مثل الاثاث القديم .... الذى حان وقت الالقاء به والاستغناء عنه

انا عاوز اعرف رأيكم فى الموضوع ؟؟؟

ياريت اعرف رأيكم كلكم

بنات وشباب ورجاله وستات كله يخش ويقول رأيه ايه

[هبةالله]

تسلم اخي حازم علي الموضوع
بس مين اللي قال ان كرامه المراه مهدوره لا والله
لا طبعا مهياش مهدوره ولو هي مهدوره
مكنتش النساء نجحت في حياتها
والمثل ده انته نفسك بتقول انه من زمان
وحال النساء اتغير
بقوا النساء ذو مناصب اعلي من الرجال ازاي يهدروا كرامتهمhttp://www.youtube.com/watch?v=IdRzi...ext=1&index=41وده رابط ياريت تشوفوا الفديو ده
ويارب يعجبكم
وكفايه ان يكون لينا صوره في القران باسم النساء
ياريت تتقبل مروري وتقديري

[آيه محمد]

شكرا أخى على الموضوع
بس عايزة اوضحلك حاجة مهمه كرامه المرأة عندها اهم حاجه فى الدنيا
ولو اتنزلت شويه دا مش معناه انها بتتنازل عن كرامتها
لكن الست لما بتحب حد ويكون هو كل دنيتها(..زوجها أو أولادها..)
ممكن تتنازل شويه علشان تحافظ على حبها وبيتها
لكن عمرها ما تهدر كرامتها
وفيه برده بعض النساء بتتنازل كتير بس مش كلهم ودى بتكون حالات خاصه
وياريت تحط تحت كلمه بعض عشرين خط
معلهش طولت عليك بس كان لازم ارد مش عشان انا ست لكن عشان كان لازم اوضحلك كرامه الست

[HoBa HoBa]

اولا الموضوع جميل جدااااااااااا
وفعلا يستاهل النقاش
الصراحة انا مع هبة واية ان كرامة المرأة مش مهدرة ولا حاجة
بس انت برضه معاك حق ف ان بعض الاحيان الست بتتنازل عنها كتيييييير
بس انا من رأيى ف حاجات بتبقى مش مستهلة انها تبقى مشكلة تحت مسمى " كرمتى "
وف حاجات لو فعلا الست اتنزلت عنها تبقى فعلا الكرامة دى لا تعنلها اى شئ
" واول ده طبعا ممكن ان الواحدة تتهان او تتشتم او تضرب وتسكت "
ودى من الامثال اللى بنشفها كتيييير
تقبل مرورى حازم

[Ali Pharouq Najar]

شوف يا حازم ....
أحب أهنى حضرتك على الموضوع الرائع ...
و لكن ..اللى أنا شايفه أن كرامة المرأة غير مهدورة إطلاقا ...
دا أحيانا فى سيدات من قوة شخصياتها بتجبر الرجالة على أنهم يعاملوهم كويس ..
شكرا من جديد حازم على ترك المساحة لإبداء الرأى

[pop_922000]

بجد موضوع جامد بس حلين مينفعش كرامة مين الى بتقول عليهاماديك شايف الدنيا والى فيها والخلع عامل شغل فى البلد الكرامه دى كانة زمان حلينالروس اتساوة يعنى مفيش حد صبعو تحت درس حد زى مبيقول

[ابو احمد رزق]

والله حازم موضوعك يستحق النقاش فعلا
فمنذ زمن بعييييد
قبل نزول الدين الحميد
كانت كرامة المرأة معدومه حقا
ولكن
من يوم ان اتي الاسلام
وقد مكن للمرأة مكانتها وكرمتها
وفي مجتمعنا هذا تجد من كرمتها منزوعه
هي من التي بعدت عن تعاليم دينها
وشريعة ربها
فما تمسكت امرأة بدين الله
الا وكانت مصونه بين كل البشر
مرفوعه الراس والكرامه شامخة
بين عشيرتها وأهلها ومع زوجها
بل مع المجتمع بأسره
ولا ننكر عن وجود قلة مالت فمالت
حفظ الله نسائنا وبناتنا وأمهاتنا
واخواتنا وكل نساء المسلمين
وبارك الله فيك
واسف جدا للاطالة

[ED GIEN]

شكرا أخى على الموضوع
بس عايزة اوضحلك حاجة مهمه كرامه المرأة عندها اهم حاجه فى الدنيا
ولو اتنزلت شويه دا مش معناه انها بتتنازل عن كرامتها
لكن الست لما بتحب حد ويكون هو كل دنيتها(..زوجها أو أولادها..)
ممكن تتنازل شويه علشان تحافظ على حبها وبيتها
لكن عمرها ما تهدر كرامتها
وفيه برده بعض النساء بتتنازل كتير بس مش كلهم ودى بتكون حالات خاصه
وياريت تحط تحت كلمه بعض عشرين خط
معلهش طولت عليك بس كان لازم ارد مش عشان انا ست لكن عشان كان لازم اوضحلك كرامه الست

وهو ده اللى انا اقصده ان مش كله زى بعض

مشكوره يا أيه على المرور

[ED GIEN]

اولا الموضوع جميل جدااااااااااا
وفعلا يستاهل النقاش
الصراحة انا مع هبة واية ان كرامة المرأة مش مهدرة ولا حاجة
بس انت برضه معاك حق ف ان بعض الاحيان الست بتتنازل عنها كتيييييير
بس انا من رأيى ف حاجات بتبقى مش مستهلة انها تبقى مشكلة تحت مسمى " كرمتى "
وف حاجات لو فعلا الست اتنزلت عنها تبقى فعلا الكرامة دى لا تعنلها اى شئ
" واول ده طبعا ممكن ان الواحدة تتهان او تتشتم او تضرب وتسكت "
ودى من الامثال اللى بنشفها كتيييير
تقبل مرورى حازم

كلامك صح يا هبه

ومشكوره على مرورك الكريم

[ED GIEN]

شوف يا حازم ....
أحب أهنى حضرتك على الموضوع الرائع ...
و لكن ..اللى أنا شايفه أن كرامة المرأة غير مهدورة إطلاقا ...
دا أحيانا فى سيدات من قوة شخصياتها بتجبر الرجالة على أنهم يعاملوهم كويس ..
شكرا من جديد حازم على ترك المساحة لإبداء الرأى

مشكوره ربنا يخليكى

بس اكيد كرامه الستات مهدوره

ومش كل الستات طبعا

اما بقا الستات اللى بيجبرو الرجاله دى حالات خاصه بقا

انا عن نفسى افضل ان تكون شخصيه الرجل والمرأه قويه

مشكوره على المرور