رساله إلى حبيبي (نسيت عيد ميلادك) أرجو المشاركه

**thesniper_12007** · 24 - 7 - 2010, 09:26 AM

نسيت اقولك كل عام وانت الحبيب
كل عام وانت لقلبي خير قريب
كل عام وانت ف حنايا قلبي الصافي الحنين
تجري مجرى الدم في الشريان وفي الوريد
كل عام وانت جوايا الوحيد
كل عام وانت شوقك جوا قلبي حنان جديد
كل عام وانت من عيني أقرب قريب
إنت ديما جوا قلبي وعمري ما احسك بعيد
كل عام وانت ماشي جوا دمي من وريد إلى وريد
كل عام يا حب عمري وانت جوايا الوحيد

كل عام وانت طيب لسه سامعها النهارده
كنت مفروض إني اقولها قبل ثانية في النهارده
كنت مفروض إني اهدي لك حبيبي ألف ورده
كنت مفروض اني قلبي تجري فيه زي النهر ده
كنت مفروض اني اغني الف غنوه ليك لوحدك
كنت مفروض اني ارسم الف صورة وانتي شارده
كنت مفروض اني اكتب الف شعر وألف بيت
كنت مفروض اني اقولك احلى منك ما رأيت
كنت مفروض اني اقولك لجلك انت يا حبيبي
ولعيونك انت وحدك في رحاب الدنيا جيت
يا حبيبي انت عارف انك انت جوايا الوحيد

يا حبيبي اسمحيلي جاي اقولك اني اسف
يا حبيبي اسف ايوه اني بانسى عيد ميلادك
ايوه اسف
من ساعة شوفتي الرساله والفؤاد يا عيني نازف
لما انسى عيد ميلادك وانت تبعتلي رساله
فيها كلمة حطمتني وحسستني اني عاله
يا حبيبي أيوه حاساك جوا قلبي مش قواله
يا حبيبي النهارده عيد ميلادي كل عام وانت طيب
كل عام وانت قلبي وانت من قلبي القريب
والوحيد جوه ف كياني مهما اوصفلك واقولك
ربع حبي لو تحسه والله احساسه يشيب
كل عام وانت طيب

يا حبيبي ازاي بتنسى عيد ميلادي دا هوا يوم
يعني مرة كل عام مش يا حبي كل يوم
لسه مستني الرساله أنسى فيها سنين هموم
ولا اقولك انا ح اعتبره النهارده
فيها ايه يا حبيبي لما أخر عيد ميلادي مرة يوم
بس ارجوك يا حبيبي اوعى تنسى اني فاكرة
واوعي تاني تأخر الأحساس لبكرة
واوعى تنسى لو يعدي اليوم عليا يبقى بتعدي سنه
ولسه هاستنى اني اسمع كلمة المناسبه منك يا انا
لو تقولها يا حبيبي كل عمري صبح هنا
وانت قلبي وانا قلبك واحنا الاتنين قلب واحد
حضن واحد عمر واحد بدأ هنا

انت قلبي وانا قلبك واحنا الاتنين قلب واحد
حضن واحد عمر واحد بدأ هنا

العاشرة والربع من صباح السبت الموافق 24/7

**اميره بلا وطن** · 24 - 7 - 2010, 09:35 AM

امممممممممم
ياترى عيد ميلاد مين؟
طيب مش مهم نعرف
المهم انك لما نسيت رجعت وابدعت
بجد تحفه
احلى عيد ميلاد ده

**thesniper_12007** · 24 - 7 - 2010, 09:43 AM

والله زي ما تقولي عيد ميلاد المدام النهارده المفروض كنت قلت امبارح بالليل الساعه 12 قمت الصبح لقيت رساله على الموبايل كل عام وانت الحب برغم اني اتصلت امبارح الساعه 11.30 مساءا لكن نسيت بصراحه إني اقول في التوقيت ده بالذات

علشان كدا صبحت كتبت
تقبلي تحياتي
لك خالص ودي وتقديري واحترامي

**اميره بلا وطن** · 24 - 7 - 2010, 09:51 AM

المشاركة الأصلية كتبت بواسطة ekrammegawer

والله زي ما تقولي عيد ميلاد المدام النهارده المفروض كنت قلت امبارح بالليل الساعه 12 قمت الصبح لقيت رساله على الموبايل كل عام وانت الحب برغم اني اتصلت امبارح الساعه 11.30 مساءا لكن نسيت بصراحه إني اقول في التوقيت ده بالذات

علشان كدا صبحت كتبت
تقبلي تحياتي
لك خالص ودي وتقديري واحترامي

والله شكيت فى كده
بس ازاى تنسى

خلاص مش مهم
المهم انك افتكرت وكتبت الكلام ده
عيد ميلاد سعيد
كل سنه وهى طيبه وبخير وسعاده

يارب تكون سنه جديده وسعيده بإذن الله

**اميره بلا وطن** · 24 - 7 - 2010, 09:53 AM

**اميره بلا وطن** · 24 - 7 - 2010, 09:53 AM

على فكره بقى كنت جايبالها هدايا لكن مش راضيه توصل

**thesniper_12007** · 24 - 7 - 2010, 10:03 AM

المشاركة الأصلية كتبت بواسطة اميره بلا وطن

على فكره بقى كنت جايبالها هدايا لكن مش راضيه توصل

أشكرك يا اميرة على احساسك الجميل ومن غير هدايا انتي اخت فاضلة وبصراحه تشرفني صداقتك لي وللأسره جدا
تقبلي تحياتي
لك خالص ودي وتقديري واحترامي

**مونه** · 24 - 7 - 2010, 10:08 AM

بارك الله فيك أخى الفاضل إكرام
وجزاك الله كل الخير
وكل سنه وهى طيبه وأنتم سعداء

**thesniper_12007** · 24 - 7 - 2010, 10:14 AM

المشاركة الأصلية كتبت بواسطة مونه

بارك الله فيك أخى الفاضل إكرام
وجزاك الله كل الخير
وكل سنه وهى طيبه وأنتم سعداء

اشكرك على مرورك الطيب وردك الرائع وفقك الله تعالى لما يحبه ويرضاه
تقبلي تحياتي
لك خالص ودي وتقديري واحترامي

**هشام اللول1** · 24 - 7 - 2010, 10:22 AM

ياراجل في حد ينسي عيد ميلاد زي كده
كل سنه وانتوا طيبين
ويارب يجعل كل ايامكم سعاده وسرور وراحه بال

بارك الله فيك وحفظك ورعاك اكرام

الموضوع: رساله إلى حبيبي (نسيت عيد ميلادك) أرجو المشاركه

أدوات الموضوع