مصراوي على حق
أيه رأيكوا فى الكلام دا .... صح ولا غلط ؟
الســــلام عليكـــم ورحمة الله وبركاته
.............
الأول ربنا يتقبل منا ومنكم الصيام والقيام وصالح الأعمال وأٍسأل الله أن يبلغنى وإياكم ليلة القدر
إممممم ندخل فى الموضوع علطــــــــــــــــــــــ ـــــول
مش هتكــلم عن المساواة بين الرجل والمرأة وكل الكلام دا
أنا بس فى نقطة شغله بالى جدا وحاسس فعلا إن البنات مظلومه جدا فيها
ألا وهى أيــــــــــــــــــــــه بقى ؟؟؟
إعجاب البنت بولد
مش عايز حد يفهمنى غلط وإسمعونى للأخر
دلوقتى أنا كشاب مثلا أعجبت بننت وأخلاقها وتدينها وجمالها بعمل أيه ؟؟
بتقدملها صح ؟
طيب والبنت ما هى بردو ليها مشاعر وأحاسيس ولنفرض إنها أعجبت بأخلاق شخص معين
بتعمل أيه؟؟
يا حســـــرة بتكتم فى نفســـها وتسكت ؟
لأنها لو إتكلمت هتبقى قليلة الحياء مش دا اللى بيحصل
طيب ليه كدا ؟؟
السيدة خديحة ذات نفسها هى أرسلت واحدة لنبينا محمد
وسيدنا عمر كان بيشوف زوج لأمنا حفصة وعرض على سيدنا عثمان وسيدنا أبو بكر ونبينا عليه الصلاة والسلام
أنا عايز البنات تفتح مخها شويه والله أنا مش بقؤلكوا تخلوا عن حيائكم
لأن حياء البنت كرحيق الورد إذا ذهب فلا قيمة لها
بس كل اللى أقصده
لو مثلا ليكى جار أخلاقه كويسه ومحترم وابن ناس وانت معجبه بيه هتعملى أيه؟؟
هتسكتى !!!
أقؤلكوا على رأيى
مش هقول تروح تكلموا ولا تتصل بيه والكلام الفاضى دا ... لأ طبعا
ليه مثلا متكلمش باباها أو أخوها
مش هتقوله طبعا أنا بحبه وروح جوزهولى
بس تحاول توضح للأب إنه كويس ومحترم والأب أو الأخت أو الأخ يلعبوا دورهم ويحاولوا يصطادوا الفريسة دى ههههههه
والمثل بيقول إخطب لبنتك ولا تخطبش لإبنك....
دى وجهة نظرى
واللى يختلف معايا هقؤلك زى علاء صادق ما بيقول
" لكم أرائكم ولى أراء "
البنت لو وجدت شخص متدين ذو خلق مش لازم تسكت لو وجدت شعور من ناحيتها له
وإوعى تروح تكلمه .. كدا هتبوظ الدنيا
بس تشوف حل ؟؟؟
المهم إنتوا أيه رأيكم ؟؟؟
نجم مصراوي
بص يااحمد ديه عادتنا وتقاليدنا ان الحاجه ديه بتيجي من الولد
ازاي يعني تلمح لباباها انه شاب محترم وكذا وكذا انا معاك في كلامك عن السيده خديجه والسيده حفصه رضي الله عنهما بس الزمن يختلف تماما وبعدين الفكر ه مش فكره اخلاق واحترام وبس لا برده في حاجه اسمها ازاي بيفكر وهل هو مثقف ولا لاء وديه انا مش هعرفها الا بالعشره وفي حاله الاعجاب انا عمري مافرض نفسي علي حد والمح لكدا لاني مش من اخلاقي اني اجري ورا حد
بس ده راي
فعلا موضوع مهم جدا
اه حصل كانت السيده اسماء بنت ابى بكر رضى الله عنها بتهتم باخبار الزبير بن العوام رضى الله عنه
بس الوقت مختلف والزمان اتغير
انت علشان ولد مش حاسس الموضوع كويس
وربنا يوفق الجميع
ومما زادنى فخراً و تيهاً *** وكدت بأخمصى أطأ الثريا
دخولى تحت قولك يا عبادى ** و أن صيرت أحمداً لى نبياً
البحث على جميع مواضيع العضو ابو تريكه
مصراوي جديد
الموضوع مهم اوووووووي بس عادي لازم الواحده متفكرش
انها تعجب بحد كلامك صح بس حتى لو لمحت لحد من العائله الكريمه هيعملووووو ايه يعني ولا حاجه
مشرفة ركن مصراوي كافيه
والله يا حماده انت المفروض تنزل كتاب
كيفا تصطادين جارك لو طلع متدين وذو خلق
ههههههههههههههههههههههههه
صح انا بهزار على فكره والله ياحماده
انت كلامك مظبوط بس هقولك على حاجه
صغيره ودى بتحصل يعنى لو البنت حولت تلفت
نظره ليها وتكلمه وجه وحصل نصيب بنهم انت عارف
لما يعملها حاجه هيقولها فاكره ماانتى الى كونتى بتجرى
ورايه وهتموتى عليه هيكون فى كلام كتير بس لو فى اخوات
وابهات هيتفهمو الموضوع زاى ما انت بتقول كده ماكنش هيبئا
فى عدد العنوسه الرهيب فى البلد بتعتنا ولا كل وحده تاخد الى بتحبو
وعيزه يكون فى عدد كبير من الطلاق والخلع فى بلدنا والله يا احمد احنا
لزم نوعى اهلانا ونفهمهم ان زاى ما انت بتقول فى حجات البنات مظلومه فيها انها لما
بتحب حد مش بتقدر تكلام ولا تقول حاجه غير الصمت معلش طولت عليك اوعا تقول
عليه خالتى التاته هههههههههههههههههههه بجد موضوع عيز كلام كتير تحياتى ليك
وعلى موضوعاتك المميزه يا استاذ والله فنان ياناس باشا تحياتى ليك
مصراوي على حق
هههههالمشاركة الأصلية كتبت بواسطة ميره
أنا مش مصدق نفسى سيادة المشرفه بنفسها فى موضوعى
وإنتى بردو تصدقى إنى أقول عليكى خالتى
لو إنتى غلسه ويتتكلمى كتير يعنى مين هيتحملك فى المنتدى غيرى .. لازم أتحملك
أنا بهزر طبعـــــا
وسيبك إنتى بقى من النوضوع بتاعى دا
إنتى ربنا هيرزقك بأطيب واحد فى الدنيا لأنك بجد طيبة جدا ورقيقة جدا " إوعى تفتكرى إنى بعاكسك "
ربنا يوفقك لما يحب ويرضى
سلامى وتحياتى ووافر حبى وتقديرى ليكى يا ميرة
نجم مصراوي
السلام عليكم
ايه الموضوع الجميل دا يا احمد
والله حاجه تحير وتجنن واللي بشوفه ان فعلا البنات بتسكت في نفسها ومش تتكلم لان دا الطبيعي
طيب وايه الحل دلوقتي ......عادات وتقاليد لازم تحترم والبنت وكل الدنيا بتمشي عليها وفيه بعض الناس بتطبق حاجه كدا اسمها اخطب لبنتك وما تخطبش لابنك وانا شوفت التجربه دي عندنا في العائله بس للاسف فشلت اوي يا احمد
وتبقي في النهايه مشاعر البنت في نفسها وللاسف بيكون فيه بنات بتحب حد وترتبط بحد تاني وقلبها معلق باللي بتحبه عادي يا احمد البنات بتتظلم في حاجات كتير هتيجي علي دي يعني المهم انت ربنا يكرمك في حياتك وتكون سعيد مش عارفه ادعيلك بايه لاني مش بعرفك اوي ........متزوج ...مرتبط ....طالب ....بتشتغل .....المهم يارب تكون سعيد وشكرا لانك اتكلمت في حاجه زي دي
تقبل مروري
مصراوي على حق
الأول ميرسى لمرورك يا فاطيما
تانى حاجة بقى نفسى نبطل كلمة الزمن إتغير
هى فيه ظروف كانت أقسى من الظروف اللى النبى عليه الصلاه والسلام إتحط فيها
هو فيه مجتمع كان بيظلم المرأة زى زمان
هى فيه واحده أشد حياءا من السيده خديجة
إحنا اللى بنكبر المواضيع مش بناخد الحاجه ببساطه
والله لو نعيش الحياة كدا ببساطة وصدق والكل يقدر التانى ويقدر مشاعره هنعيش حياة جميلة جدا
ربنا يبارك فيكى يا فاطيما
مصراوي على حق
بردو الزمن إتغير هى الجملة دى مش هتتغير ابدا
ميرسى ليك يا أبو تريكة على مرورك
ويارب يسعدك
مصراوي على حق
خليكوا كدا إكتموا فى نفسكوا وقولوا أهى جوازة وخلاص
شوفتى بقى نستينى أقؤلك ميرسى يا البنت الجديدة " إلا البنت الجديدة دى إسمها أيه ؟؟"
وإدعيلى يا ستى باللى يطلع من قلبك وخلاص أى حاجة
كفاية إنك تفتكرينى بالدعاء
ربنا يوفقك يا ........يوه متقولى يا بنتى على إسمك
أقؤلك أنا هسميكى أوشة ههههههه
ربنا يبارك فيكى يا أوشة ويحفظك ويرزقك بإبن الحلال
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
