رد مع اقتباس
المشاركة الأصلية كتبت بواسطة عفريت أفندى
بحبك يا ريس !
بقلمى
بحبك يا ريس و أقولها بسذاجه
بحبك يا ريس بدون أى حاجه
بحبك و حبك معلم عليا
بإيد أمن رايحه و إيد أمن جايه
بحبك لأنك واخدها ببساطه
وحزبك يا ريس عايشها بألاطه
و شعبك يا ريس عايش ع البلاطه
و إيه يعنى لما يموت الغلابه
ف مركب مهاجره لتجار ديابه
حكومتك يا ريس حكومة فساد
فسادها يا ريس مغطى البلاد
شبابنا يا ريس قاعد ع القهاوى
و عمال يا ريس بتطلب رشاوى
زراعه مافيشى صناعه مافيشى
و تعليم مافيشى و صحه مافيشى
و ذل و مهانه ولا فيه مكانه
ضرايب كتيره أجورنا قليله
حياتنا مريره عيشتنا ذليله
زهقنا يا ريس تعبنا خلاص
فارقنا يا ريس بغينا الخلاص
ايه ياعم ده
مش معقول
انت اللى كاتب القصيده دى بجد
طيب والله العظيم انت شاعر بجد
ماشاء الله عليك ياوليد
طيب فين الكلام ده من زمان
تعليقا على القصيده دى بقى
انا كده عرفت سر حبك للريس
بصراحه يستاهل حبك بعد كل الرفاهيه اللى احنا عايشين فيها دى
ياوليــــــد
ياريت تكتب شعر كمان
والله عندك الموهبه صدقنى
قهوتنا على الانترنت
