شعب غرقان فى النطاعه!!!!!!!!!!!!!!!

**ايسل** · 13 - 1 - 2011, 10:07 AM

اه منك يا بن بلدى بستغربك واستعجب
مالك كده جرالك ايه وبقيت مغيب
معقول الشعب كله متبنج ؟؟؟؟؟؟
طب يمكن عملولنا عمل ؟؟؟؟؟؟؟
طيب ايه الهوا ولا الميه ؟؟؟؟؟؟
او زى سمير غانم ماقال انا اضرب طبق الفول وامشى وايه فى ايه مفيجججججججج
لا بقى ماهو كده وصلنا لمرحله مايتسكتش عليها

طيب واحده واحده
هو انت حاسس انك حر فى بلدك قولى اه بقى ونرفزنى
طب ادينى اماره ده امين شرطه ممكن فى لحظه يمسح بكرامتك الارض وحجته ايه اقولك انك معاك واحده وماشين فى امان الله اختك بقى خطيبتك
واذ فجأتن كده طلبت معاه يتمنظر قدامها انه لواءوشوف يا معلم هيحصلك ايه اوعى تقولى انك فى بلدك تتعامل كابنى ادم اوعى
طيب شوية اسئله كده

انت عارف تتعلم؟؟؟؟؟
بسم الله الرحمن الرحيم الاجابه تونس
عارف تتوظف؟؟؟؟؟؟؟
بسم الله الرحمن الرحيم الاجابه تونس
عارف تجيب شقه ؟؟؟؟
بسم الله الرحمن الرحيم الاجابه تونس
عارف تعيش فى امان ؟؟؟؟
بسم الله الرحمن الرحيم الاجابه تونس
شايف ناس جنبك هيموتو من الجوع ؟ من البرد ؟ من المرض؟ مرمين فى الشارع فى كشك ؟ عشره عايشين فى اوضه ؟
بسم الله الرحمن الرحيم الاجابه تونس
عارفين لما كان حد يسألنا سؤال محرج مثلا او مش عايزين نرد ونحب نتهرب كنا نقول بسم الله الرحمن الرحيم الاجابه تونس
كده نتهرب من الاجابه
ودلوقتى بردوا طالع عينينا فى البلد بنموت بالبطئ بقينا جبلات مش بنحس من كتر ما اتألمنا وعارفين مين اللى انتفض بدالنا وثار ورفض الظلم والفقر وكبت الحريات والجبروت
بسم الله الرحمن الرحيم الاجابه تونس
عليه العوض فيك يا شعب مصر ياشعب غرقان فى التناحه
احنا اللى علمنا الشعوب العربيه ازاى تنتفض ازاى تتحرر ثوراتهم ضد المحتل قامت من عندنا دار الزمن ولف بينا علشان تونس تعلمنا ازاى نقول لالالالالالالالالالالالال ا كفايه مش تقليل من تونس وشعبها البطل الحر لا بس احنا بردوا مصر ليه هما اتحركوا واحنا لا ؟ ايه هما شجعان واحنا جبنا مصدقش طيب فى ايه ساكتين ليه خايفين لنموت يا عالم صدقوا بقى احنا ميتيـــــــــــــــــــــ ـــــــــــــــــــــــــ ــــن

مدد يا تونس مدد بس معلش مش فاضين نركز معاكى ..........مشغولين بدورة حوض النيل ومصر لازم تفوز

**drmido119** · 13 - 1 - 2011, 11:38 AM

**عفريت أفندى** · 13 - 1 - 2011, 02:23 PM

يارب يكون اللى بيحصل ف تونس إشارة البدء لسائر الشعوب العربيه

الشعوب الغريبه فى أوطانها

الشعوب المغيبه عن السياسه

الشعب المنهوب ثرواتها

و على رأيك يا ايسل

مدد يا تونس مدد

تسلمى يا ايسل على طرحك المميز

و دمت بود

**هشام اللول1** · 13 - 1 - 2011, 05:08 PM

مش عارف فعلا والله يا ايسل
الشعب ده هيفوق امتي ؟
ومش عارف ساكت لحد دلوقتي ليه ؟
ولا خايفين من ايه ؟
والله مفيش حاجه دلوقتي يتخاف عليها
لان كل حاجه بتتاخد من الحكومه بمذله ومهانه
حقوقنا الشعب بيشحتوا من الحكومه

لازم ثورة
الشعب كله يقف ويصرخ
يهز الحكومه ويوقعه
ويسحب الكرسي والسلطه من تحت ارجالهم

لازم وقفه في كل المحافظات والقري والشعب اجمع

وبسم الله الرحمن الرحيم
الاجابه شبرا

يمكن تقوم من شبرا

شكرا علي الموضوع المتألق ايسل
بارك الله فيكي وحفظك ورعاكي ووفقك
ودمتي بخير وسعاده وصحه وراحه بال وود

**الحريه** · 14 - 1 - 2011, 04:12 AM

بسم الله الرحمن الرحيم
الاجابه تونس

وطلعت فعلا الاجابه تونس
وليد كان على طول بيقول الاجابه الصحيحه وانا مكنتش مصدقاه

نداااااااء عااااااااجل:::الرجاء من السادة المواطنين المصريين الإتجاه إلى تونس للتطعيم

دى رساله اتبعتتلى
وانا بقولها لكل المصريين وبقولهم انتو مستنيين ايه
تونس تيجى تقوم لنا بالثوره

شكرا ايسل

**ايسل** · 15 - 1 - 2011, 12:28 AM

شكرا لمرورك يا دكتور نورتنى

**ايسل** · 15 - 1 - 2011, 12:32 AM

شوفت يا حكيم كنت معترض على كلمة نطاعه طيب بعد ما اتحررت تونس ورحل زين العابدين

تقول ايه علينا دلوقتى اختار بقى انت كلمه تشرح حالا نورتنى يا وليد

**ايسل** · 15 - 1 - 2011, 12:36 AM

مبروك يا حاج هشام عقبالنا يارب وتقوم من شبرا زى ما قولت يارب يا هشام يارب

شكرا لمرورك يا حاج

**ايسل** · 15 - 1 - 2011, 12:38 AM

الحريه حبيبتى شكلنا كده هنستناهم فعلا لاننا ولا هنتحرك عمرنا ومش عارفه مستنين ايه

نورتينى ياقلبى دمتى بود

الموضوع: شعب غرقان فى النطاعه!!!!!!!!!!!!!!!

أدوات الموضوع

شعب غرقان فى النطاعه!!!!!!!!!!!!!!!

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة