خمسة فرفشة كدة على الماشى

[آية الرحمن]

مره واحد احول سجل في الجيش...... حطوه في قسم القصف العشوائي

مرة مدرس رياضة اتجوز مدرسة رياضة خلفوا ولد متساوى الساقين
*************
مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة
*************
تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع
***********
واحد أحول راح يجيب أبوه من المطار باس الشنطة وشال أبوه
*************
اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى
*************
محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق
***********
بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها
***********
واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى
*************
واحد نذل ابوه طرده من البيت وهو طالع كتب على السور ، مقر حركة طالبان
*************
كمسرى ماشى فى جنازة بيقول يا جماعة الجنازة فضيا قدام
**********
محشش سأل واحدة اسمك ايه؟ اجابت : أسماء. فقال: يعني ما فيش اسم محدد
*************
مرة واحد راح السودان بالليل ملاش حد
**********
ظابط مرور لقى شقته ديقه عملها إتجاه واحد
*************
مرة واحد بتاع سمك ابنه مات فماشى فى الجنازة يقول :كان صاحى وبيلعب
************
وحدة تقول لحبيبها أهلى مسافرين والبيت فاضى قالها أقرئى قرأن ومتخافيش
*************
واحد بيقول لخطيبته انا مش غني ولا عندي مرسيدس ويخت زى محمود بس انا بحبك .... خطيبته: وانا كمان بحبك لكن احكي لي اكتر عن محمود
*************
ديك و فرخه معديين من قدام محل شاورما .الديك بيقولها شوفى اللى بيحصل للى مبتسمعش كلام جوزها
***********
مرة أربعة بلدياتنا راحوا فرح
الأول:- نقط بخمسة جنيه و ضرب طلقة رصاص
الثانى:- نقط بعشرة جنيه و ضرب طلقتين
الثالث:- نقط بخمستاشر جنيه و ضرب 3 طلقات
أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة
***********
واحده بلدياتنا قالت لجوزها قولى كلمه حلوه قال لها بسبوسه
قالت له يا اخى قولى كلمه تهزنى قال لها مرجيحه
قالت له قولى كلمه احس فيها انى مراتك قال لها انتى طالق
*********
مرة بلدياتنا قعدوا يغسلوا الحيطان بالمياه لحد ما واحد مسكت فيه الكهرباء.
قعد أصحابه يشدوه و يضربوه علشان يبعد عن الحيطة ما عرفوش. لحد ما ودوه المستشفى و لكنه مات. .....تقرير الطبيب الشرعي: سبب الوفاة ضرب أفضى إلى موت
*************
واحد بلدياتنا دخل بار، فجلس بجوار جيمس بوند، فقال له: عايزين نتعرف، اسمك الكريم إيه؟
قال له: (بوند, جيمس بوند)..أند يو؟
رد عليه بلدياتنا و قال له: (دان, حمدان)
*********
واحد معدى لقى ناس بتهيص قوى قالولهم فية ايه
قالوله فى واحد بلدياتناعايز ينط من سطح العمارة
قالهم خلاص انا طالعلة...
طلعلة وقاله عايز تنتحر لية...
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل:البيضة.. اقولك واحدة تانية
حاجتين اسمهم زى شكلهم
بلدياتنا :ماخبرش
الراجل: بيضتين.. اقولك واحدة تانية بسيطه و سهله
حاجة كبيرة وسودة وبتجيب لبن واسمها جموسة
بلدياتنا:3 بيضات
راح الراجل ماسكه وراميه
*************
واحد بلدياتنا دخل السينما فوجد يافطة مكتوب عليها ممنوع الدخول لأقل من 16
رّوح البلد وجاب 15 نفر وجه
**********
مرة الجماعة بلدياتناعملوا اجتماع يناقشوا فيه تأخرهم العلمي.
فقام واحد بيقول : أمريكا طلعت القمر قبلنا واحنا قاعدين
قام رد عليه واحد: خلاص احنا لازم نطلع الشمس.
فقالوا: احنا كدة هنسيح
رد عليه: يا غبي احنا هانطلعها بالليل.
*************
تلغراف جه لهريدى من البلد مكتوب فيه : مراتك خلفت والجاموسة خلفت ...احضر فورا للتعرف على المولود
*************
مرة اثنين بلدياتنا بيلعبوا.. شطرنج ....الملك مات بالسكتة القلبية
*************
مره مدير شركه مارلبورو قابل مدير شركه كيلوباترا فقالو انا مره لقيت فى السجاره بتاعتكم خشبه .. انتم بتستوردوا التبغ منين ...فرد عليه مدير شركه كيلوباترا متعجبا .....يعنى ايه تبغ!!!!!؟؟؟؟؟؟
*************
واحد بلدياتنا بيلف علي اكشاك السجاير يقول للبياع بتعرف تتكلم انجليزي يقوله البياع لا.. يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو
*********
جماعة بلديتنا حبوا يعملوه مزرعة فراخ مرة زرعوا الفراخ بمنقارها الفراخ ماتت المرة التانية زرعوها برجليها الفراخ برضه ماتت قاموا بعتوا لقريبهم العالم فى بلاد برة فقالهم: ابعتولي عينة من التربه احللها!!!
**********
مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا
********
سباك راح فرح حلف ماحد ينقط




يا رب اكون سبب في ضحك البينائدمين

[عفريت أفندى]

هههههههههههه

و الله ضحكت موووووووووت

نكت شديده يا رومانسيه

تسلم الأيادى

ربنا يخليكى و تضحكينا كمان و كمان

تحياااااااااااتى

[عفريتـــة هانم]

ههههههههههههههههههههههههه ههههههههههههههههههههههههه ههههههههههههههه
تسلم ايدك ياقمرررى فيرى فيرى نايس

[ك/علاء النسر]

ههههههههههههههههههههههههه ههههههههههههههههههههه

لا بجد جامدييييييييييييييين جدا
ارجو انك متكونيش لسه زعلانه منى

[آية الرحمن]

هههههههههههه

و الله ضحكت موووووووووت

نكت شديده يا رومانسيه

تسلم الأيادى

ربنا يخليكى و تضحكينا كمان و كمان

تحياااااااااااتى

الحمد لله انها عجبتكو مشكور وليد على مرورك الجميل

[آية الرحمن]

ههههههههههههههههههههههههه ههههههههههههههههههههههههه ههههههههههههههه
تسلم ايدك ياقمرررى فيرى فيرى نايس

تسلمى انتى يا قمرة لانك نورتى التوبيك

[آية الرحمن]

ههههههههههههههههههههههههه ههههههههههههههههههههه

لا بجد جامدييييييييييييييين جدا
ارجو انك متكونيش لسه زعلانه منى

الحمد لله انهم جامدين وصدقنى مفيش زعل ولا حاجة وربنا ما يجيب زعل ابد
وكمان البورسعيدية مش بيكرهوكوا ولا حاجة بالعكس

[بك أستجير فمن يجير سواك]

ههههههههههههههههههههههه
تسلمى ياايه ياحبيبتى وربنا يسلم ايدك
شكرا على الضحكة يااحلى بنوته ربنا يحفظك
ودمتى متميز ياسكره

[آية الرحمن]

ههههههههههههههههههههههه

تسلمى ياايه ياحبيبتى وربنا يسلم ايدك

شكرا على الضحكة يااحلى بنوته ربنا يحفظك

ودمتى متميز ياسكره

مشكورة يا احلى ريم ويارب دايما البسمة ما تغيب عن وشك