شعبنا عامل دماغ سيبرتو ..... و نيلتواااا ^^

**هشام اللول1** · 3 - 4 - 2010, 03:42 PM

شعبنا عامل دماغ سيبرتو ..... و نيلتواااا ^^نبدأ بقى موضوعنا

هو فيه ايه
حد شامم اللي انا شمه دة
و الا انا بس
ايه ريحة السبريتو الجبارة اللي في البلد دي

حد يقولي

المشكلة اني كنت في الاول لوحدي اللي شامم ريحة السبرتو و كل ما اسأل حد هو انتم شامين ريحة سيبرتو ؟؟؟؟؟؟؟؟؟؟

يقولولي لا

يا جماعة هما بيعقموا الجو و الا ايه و خصوصا اني سمعت انهم حيغسلوا مية النيل و مفهمتش حيغسلوا المية ازاي
يا ترى حيجيبوا مية مبلولة يغسلوا بيها النيل و الا حيعملوا ايه

لكن الكل كان بينكر

لدرجة اني شكيت في نفسي و افتكرت ان مناخيري هي اللي بتفرز السبرتو عشان كدة محدش شمة غيري

و اكيد اكيد حتتعمل شركة دكتور مون لانتاج و تصدير السيبرتو الخام
و ابقى مصدر من مصادر السبرتو في البلد
و اصدر سبرتو خام
و يمكن كمان اتخصخص او اتأمم شركة مساهمة مصرية لانتاج و توزيع السيبرتو

بس اكتشفت بقا ان الموضوع كبر و ابتدت الناس تفوق قصدي تسكر
الناس ماشية تطوح في الشوارع و تقول انا جدع هئ

و بصفتي انا كمان ماليش في أي منبهات غير الشاي فريحة السيبرتو بتعملي دماغ جامدة اوي لدرجة اني بكتشف اني بضحك للنكت البايخة و على كل حاجة اصلا و خوفت حد يقول عليا حاجة و خصوصا ان سمعة الضحك مش ولابد في البلد لان الضحك من غير سبب كخ

معقول الحكومة تكون رشة رشة سيبرتو جريئة في البلد عشان الناس تشم و تنسى ؟؟؟؟!!!!

يعني مثلا واحد يروح يشتري كيلو سكر و يدفع فيه 4.5 جية فتمر شوية هوا مشبعين بالسيبرتو فيتسطل و يفتكر نفسة دافع 1.35 قرش و يدفع و هو منشكح

بس الغريب ان الريحة متجددة و السبرتو دة بيطير بسرعة يعني لو ماسورة السيبرتو انفجرت في مصر بعد يومين بالكتير الريحة لازم تختفي
لكن الواضح ان الموضوع اكبر من مجرد ماسورة منفجرة

اكيد الموضوع كبير

طلعت اوشاعات قال ايه استوردنا بنزين من معرفش فين فيه كحول

احنا ليه اساسا بنستورد بنزين دة اول حاجة في الصادرات المصرية و على رأس قائمة الصادرات و اخيب عيل في اعدادي و ثانوي عارف انه البنزين رأس الصادرات المصرية
و الا احنا بنصدرة يحوطولنا عليه سيبرتو و نرجع نستوردة تاني؟؟؟؟؟؟؟؟؟؟؟؟؟!!!!!!!!!!!!!!!

و بعدين دة السيبرتو دة خطير جدا
على سبيل المثال الاستاذ السيبرتو يعتبر مادة مخدرة
طب نعمل ايه منتنفسش مثلا

السيبرتو مادة مطهرة
يبقى اكيد البلد بتطهر ( بس يا ترى من مين من الشعب مثلا)

السيبرتو مادة قابلة للاشتعال
يبقى هو دة - اكيد حيولعوا فينا

**hadede** · 3 - 4 - 2010, 07:44 PM

السبرتو انواع

فيه سبرتو ابيض وده مطهر

وسبرتو احمركان يستعمل للسبرتايه ياسلام لما كنت تشرب عليها فنجان قهوه

وطبعا الاتنين مواد مشتعلة

ويمكن اتمانهم مرتفعة الآن

يعنى اطمئن مش هيولعوا فينا ولا حاجة هما هيكلفوا نفسهم ليه

تسلم الايادى

دمت فى حفظ الله

**براكودا** · 4 - 4 - 2010, 02:02 AM

يا عم هشام
سيب اللي يشم يشم
دا حتى السبيرتو حلو
ومش احسن ما ينومونا تنويم تغطاطيسي
وصباح الفل عليك

**ايسل** · 4 - 4 - 2010, 04:47 AM

اسمح لى هشام ان لا اعلق على موضوعك الا فى الاخر وقبله اسمح لى ان اعلق على رد اخى الكبير شاعرنا الهمام عماد قال لك

وطبعا الاتنين مواد مشتعلة

ويمكن اتمانهم مرتفعة الآن

يعنى اطمئن مش هيولعوا فينا ولا حاجة هما هيكلفوا نفسهم ليه

ده رأى واحد من الشعب المصرى يرى ان الحكومه اذا وجدت ان
ما سيلهينا عنها سيكلفها لن تقدمه لنا شوفت احنا خساره فينا حتى الأذيه لو كانت تكلفهم
ورأى اخى براكودا الذى فاجأنى كثيرا لأنه دائما مع النظام والحكومه قالك ايه

سيب اللي يشم يشم
دا حتى السبيرتو حلو

ومش احسن ما ينومونا تنويم تغطاطيسي

يعنى نسطل بمزاجنا احسن ما يستهبلونا هما ونعمل نفسنا مسطولين غصب عننا
شوفت يا هشام الشعب المصرى من كتر ما شاف رخصه فى عيون اللى حكمينه بقى عارف ايه كبيره حتى السبرتو خساره فيه
اما بالنسبه لرأى فأنا ارى انهم يعطونا شئ مفعوله اقوى من السبرتو لأن السبرتو مفعوله يستمر لفتره بسيطه وهو خد عندك
سمحوا للجزارين ان يطعموا الشعب المصرى لحم
حمير وان بستوردوا دقيق مملوء بالحشرات
وان نشرب مياه مخلوطه بماء المجارى
يعنى يا حاج لا تقولى سبيرتو ولا غيروا دول ضمنوا ان عشرين فى الميه من شعب مصر هيموت بعد سنه بالكتير سنتين وده عندهم ارخص واوفر ونتيجته احسن وصباح السبرتو
ده انا رغايه رغى انا مالى هو موضوعك عايز رغى اتحمل يا معلم
شكرا هشام الف شكر

**عفريت أفندى** · 4 - 4 - 2010, 07:38 AM

ده إيه الكلام الكبير ده يا كبير ؟

سبرتو و شم و حاجات غريبه بتحصل

الشعب أصبح سطل

يعنى مدمغ

يعنى الشعب بئه مزاجنجى

و على رأى اللى بيقول

أمريكا باعته لنا دولارات بتقولك على الطاسه

عاوزانا نديها خدرات و نركز ف الرقاصه

منك لله يا هشام فوقتنى و انا ماصدقت إنى كنت عامل دمااااغ

**هشام اللول1** · 4 - 4 - 2010, 05:33 PM

المشاركة الأصلية كتبت بواسطة hadede

السبرتو انواع

فيه سبرتو ابيض وده مطهر

وسبرتو احمركان يستعمل للسبرتايه ياسلام لما كنت تشرب عليها فنجان قهوه

وطبعا الاتنين مواد مشتعلة

ويمكن اتمانهم مرتفعة الآن

يعنى اطمئن مش هيولعوا فينا ولا حاجة هما هيكلفوا نفسهم ليه

تسلم الايادى

دمت فى حفظ الله

شكرا لمرورك اخي الكريم

هما بيقضوا علي الشعب بالتصوير البطئ

بيمثلوا بقي ياعم علينا

واحنا بنتفرج عليهم مسلوبين الاراده

ايه انت مش شامم ولا ايه

بارك الله فيك وحفظك

**هشام اللول1** · 4 - 4 - 2010, 05:37 PM

المشاركة الأصلية كتبت بواسطة براكودا

يا عم هشام
سيب اللي يشم يشم
دا حتى السبيرتو حلو
ومش احسن ما ينومونا تنويم تغطاطيسي
وصباح الفل عليك

يعني ايه يعني
هنفضل كده متخدرين علي طووول
ومش وعيين للي بيحصل

والله عندك حق
حتي لو وعينا هنعمل ايه

اهو احنا وعيين عملنا ايه .... ولا حاجه

دول ماسكين البلد من ايد من حديد
حديد يا باه

صباح الجمال
نورتنا يابركودا

**هشام اللول1** · 4 - 4 - 2010, 05:49 PM

شكرا يا ايسل علي مرورك الكريم

واسمحك لكي طبعا لاننا هنا
((( احنا اسره واحده مع بعضيــــــنا ))))

والله يا ايسل انا احترت في امر الحكومه دي
ومش عارف هم عاوزين من الشعب الغلبان والمطحون ايه

ووالله انه بلدنا دي احسن من اي دوله متقدمه بس للاسف
الحكومه بتاعتنا مش عاوزنا نكون كويسين مش عارف ليه

يعني عندك لو في مشكله في الري
بمكالمه تليفون تكون انتهت

ولو في مشكله ازاله في الحي
برده بمكالمه تليفون تكون انتهت

وهكذا .....وهكذا .....وهكذا

انا نفسي اعرف هو ده كسل ولا طمع ولا غاويين ظلم
ولا ((سياسيه شيطانيه))

علي العموم اقولك علي حاجه
ماتيجي احنا اعضاء مصراوي كافيه نمسك البلد
ههههههههههههه

ايه خدمه زي ما انتي رغيت
انا رغيت

شكرا ليكي يا ايسل علي مرورك
دايما منور مواضيعي

**هشام اللول1** · 4 - 4 - 2010, 05:57 PM

المشاركة الأصلية كتبت بواسطة مرهف الاحساس

ده إيه الكلام الكبير ده يا كبير ؟

سبرتو و شم و حاجات غريبه بتحصل

الشعب أصبح سطل

يعنى مدمغ

يعنى الشعب بئه مزاجنجى

و على رأى اللى بيقول

أمريكا باعته لنا دولارات بتقولك على الطاسه

عاوزانا نديها خدرات و نركز ف الرقاصه

منك لله يا هشام فوقتنى و انا ماصدقت إنى كنت عامل دمااااغ

لو مواخذه يا مااااااان فوقتك
انت شكلك مش قاعد فيه
علشان لو قاعد في مصر
انس انك في يوم تفوووق

علي العموم انزلك يومين
وانت تعمل دماغ سنه قدام

امال انت مفكر ايه
هي دي سياحه بلدنا

سياحه سطل

شكرا علي مرورك يامان

**bosy_na** · 9 - 4 - 2010, 07:04 AM

احنا ليه اساسا بنستورد بنزين دة اول حاجة في الصادرات المصرية و على رأس قائمة الصادرات و اخيب عيل في اعدادي و ثانوي عارف انه البنزين رأس الصادرات المصرية
و الا احنا بنصدرة يحوطولنا عليه سيبرتو و نرجع نستوردة تاني؟؟؟؟؟؟؟؟؟؟؟؟؟!!!!!!!!!!!!!!!

هتعمل ايه فى مساطيل وسبرتو ومش عارفه ايه

طبيعى انهم هينسو ان عندهم صادرات ولازم ولابد نستورد

ليه بئه علشان مساطيل

الموضوع: شعبنا عامل دماغ سيبرتو ..... و نيلتواااا ^^

أدوات الموضوع

شعبنا عامل دماغ سيبرتو ..... و نيلتواااا ^^

معلومات الموضوع

الأعضاء الذين يشاهدون هذا الموضوع

المواضيع المتشابهه

شفتو تورتة الزفاف تعالو شوفو طورتةالطلاق

شعب مصر عامل دماغ .............. سيبرتو و نولتوا

الكلمات الدلالية لهذا الموضوع

ضوابط المشاركة