ارشح مين طيب؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

[انا مش معاهم]

موضوع جميل ورائع
بس خلونا ناخدها واحدة واحدة دلوقتي البرادعي املنا في التغيير نسيبة يغير وبعدين احنا اللي نقدر نغير بعد كدة
على فكرة انا مش شايف ان البرادعي هو الأكفء بس ده اللي متاح فكلنا وراه
تقبلي مروري

[ايسل]

الى كل من مر بصفحتى اشكركم شكرا جزيلا على المرور ده اولا
ثانيا لقد قرأت ارائكم جميعا ولم اقرأها مره واحده بل قراتها عدة مرات
ووجدت شئ غريب اننا جميعا نقول نفس الكلام ولكن الاصوات تختلف
لقد وضعت لكم صوره فى اخر موضوعى لم يعلق عليها احد صورة رجب طيب اردوغان هذا الرجل احسد
الشعب التركى لأنه رئيس وزراءه
رجل به من الذكاء والحنكه السياسيه
وفى نفس الوقت الكرامه ثم الكرامه
هذا ما اريده اخوانى مثل هذا الشخص هو من يجب ان يحكم مصر
مصر ضاعت صدقونى عايزه اللى يحكمها يكون شخص خارق ليستطيع ان يعيد مصر ولو قليلا
انا مع ما يفعله البردعى من توعية الشعب والافكار التى يطرحها والحراك
الذى قام به ويشكر عليه واعلم ايضا
اننا نريد التغير بطريقه ديمقراطيه وحضاريه ولكنى لا اجد فيه هذا الرئيس الذى يستحق ان يكون رئيس لأم الدنيا مصر اشعر بضعفه لا يوجد لديه كاريزما مثل عبد الناصر مثلا ليلتف الناس حوله هو يعمل فى هدوء تام
لم ييوصل افكاره للبسطاء بل لطبقة المثقفين فقط ونسى ان طبقة البسطاء والمطحونين هى من ستغير
تعالو اسمعوا ارأهم قالك ايه يا عم
لأ يابا وانا اختار رئيس جديد ليه
يبقى لسه جعان ويغتنى على قفانا
تانى لأ جمال مبارك شبعان ومتربى
فى البلد يالهوى ياما ايه اللى بيقولو
ده فين بقى يا عم وليد اخونا البرادعى
موصلش للناس دى ليه وقالهم اللى يطمنهم المهم علشان طولت عليكم
انا مش عايزه جمال ولا البردعى
انا عايزه واحد زى رجب طيب اردوغان
بس للأسف مش موجود دلوقتى بس مسيره يظهر وفى الأخر بقولكم احنا بنحلم لأن البرادعى مش هيحكم مهما عمل والحزب الوطنى هيفضل حاكمنا والفتره الجايه هتشوفو العجب هيكون فى رئيس ماسك مصر بس اللى بيحكم واحد تانى هو احمد عز
وبكره تقولو ايسل قالت ويلا بقى انتم رغايين قوى ياساتر عليكم

[عفريت أفندى]

ده فين بقى يا عم وليد اخونا البرادعى

ايسل

ازاى بتقارنى بين وجهة نظر البسطاء و عامة الشعب و نظرتهم بالنسبه للبرادعى و جمال او مبارك ؟

المقارنه كده مش تمام أبدا

ناسيه إن الحزب الوطنى كاتم على نفسنا من 30 سنه لحد ما مموت الأمل فينا كلنا ( بسطاء و مثقفين )

إزاى بين يوم و ليله عاوزه البرادعى يغير فكر البسطاااااااء ؟

كل ما قام به البرادعى من مجهود و دعوه للإصلاح وتشجيعه لكل المصريين بمختلف طوائفهم السياسيه و الدينيه و حتى البسطاء فى وقت قليل جدا يعتبر شيئ لا يصدقه عقل

أن يحدث كل هذا الحراك السياسى فى هذه الفتره الوجيزه يعتبر إنجااااااااز و إعجاااااااز

لم أقل ان البرادعى أصلح و انسب من يحكم مصر

و لم يرشح البرادعى نفسه او يقدم برنامجه السياسى حتى الآن

يكفى دعوته للتغيير

يكفى حمله للشعله و بداية الإنطلاقه

يكفى قدرته على اثبات أن هناك فى مصر من يستطيع ان يطالب بالحقوق دون خوف او جبن

تسلمى يا ايسل على طرحك و ردك

ملحوظه : لم أعلق على أردوغان لأننى أفكر فى ما بين أيدينا و ما هو متاح فى الوقت الحاضر

تقبلى مرورى و رأيى الشخصى

[عفريتـــة هانم]

بصو بقى من غير عصبية ونرفزة احنا عايزين تغيير والى بيعملوا البرادعى شعاع نور يجب ان نتمسك بة حتى اذا كان لا يصلح ولكنة يرسم ولو نقطــة بيضاء فى لوحـــة يعمها السواد
فليـــكن بداخلنا الامـــل واذا حكم البرادعى ولم نرضى بما يحدث فى وقتها سنكون قد عرفنا كيـــف نخرٍج رئيس ونأتى بغيرة تقبلو رايى المتواضع

[طيف الامل]

فعلا يا طيف

الإختلاف فى الرأى لا يفسد للود قضيه

و فعلا هى غرقت من زمااااااااااااااان

و كلنا السبب فى غرقها

و ع الأقل البرادعى رجع و بيحاول انقاذها

لو قدر يبقى خير

لو ماقدرش يبقى ربنا يجازيه على محاولته و إجتهاده

الدور و الباقى ع اللى عايشين فيها و هى غرقانه و ساكتين

صمت رهيب

و زى ما قلت يا حبيب قلبى

الإختلاف فى الرأى لا يفسد للود قضيه

مين قال ان الناس ساكتة الناس طفح منها الكيل والناس بقت عاملة زى الطير الى ريشه اتقص كل لما تطير تقع تانى وده بيكون مثلا فى ان ابنه بيتاخد امن دوله والى ابنه بيتحرم من امتحانات والى بيتحارب فى رزق بقينا زى المافيا وزى ما انت بتقول فين البرادعى من عشر سنين اشمعنه فى الوقت ده بالذات الى هو جاى فيه يتكلم عن التغير والديمقراطية ده فكرنى باعضاء مجلس الشعب محدش يشوفهم قبل الانتخابات الجديدة متكلمش قبل كده ليه وطالب بالحرية والعدل الى هو بيتكلم فيهم وعلى فكره انا مش ضد البرادعى ولا ضد حد هيجى يصلح واتمنى ان هو يكون عند ظنك مش عند ظنى على الاقل ينتشل البلد من الى هى فيه تسلملى وزى ما ايسيل قالت انا عاوزه واحد زى الى فى الصورة اتمنى يكون هو الرجل الزكى الى بنستناه

[عفريت أفندى]

مين قال ان الناس ساكتة الناس طفح منها الكيل والناس بقت عاملة زى الطير الى ريشه اتقص كل لما تطير تقع تانى وده بيكون مثلا فى ان ابنه بيتاخد امن دوله والى ابنه بيتحرم من امتحانات والى بيتحارب فى رزق بقينا زى المافيا وزى ما انت بتقول فين البرادعى من عشر سنين اشمعنه فى الوقت ده بالذات الى هو جاى فيه يتكلم عن التغير والديمقراطية ده فكرنى باعضاء مجلس الشعب محدش يشوفهم قبل الانتخابات الجديدة متكلمش قبل كده ليه وطالب بالحرية والعدل الى هو بيتكلم فيهم وعلى فكره انا مش ضد البرادعى ولا ضد حد هيجى يصلح واتمنى ان هو يكون عند ظنك مش عند ظنى على الاقل ينتشل البلد من الى هى فيه تسلملى وزى ما ايسيل قالت انا عاوزه واحد زى الى فى الصورة اتمنى يكون هو الرجل الزكى الى بنستناه

شوف يا طيف

الحمد لله إن كلنا متفقين على ضرورة التغيير
و إن الوضع أصبح لا يطاق و لا يحتمل
أنا لا أقول ان البرادعى أنسب من يمكن ان يتولى الرئاسه
لكن ما أقوله انه بفكره و تحركاته إستطاع ان يوحد الجميع تحت مظله واحده بغض النظر عن إنتماءاتهم السياسيه و الفكريه
و كما قالت ايسل أنه الى الآن يوجه خطاباته و لقاءاته إلى المثقفين
و من وجهة نظرى هؤلاء المثقفون يستطيعون أن يوجهوا عامة الشعب و البسطاء من الناس إلى التحرك و المطالبه بالحريه و الديمقراطيه و العداله الإجتماعيه
اتفقنا على الهدف ألا و هو الإصلاح و التغيير على كافة المستويات
و فى النهايه إذا تمت الإنتخابات بنزاهه و دون تزوير و تحت اشراف دولى و بضمان لكل مصرى يستطيع ان يعبر و يختار رئيس للبلاد
فليأتى من يأتى
البرادعى او جمال او غيره
سنرحب بأيا كان
بشرط وحيد ضمان النزاهه و عدم التزوير
بارك الله فيك
و حفظك و رعاك
تقبل رأيى الشخصى
دمت بود و إحترام و تقدير

[ايسل]

وربنا انتوا ناس عسل واحد متفائل فى وسطنا يا جدعان تعالوا نسيبوا يتفائل شويه ومنحرموش حتى من الأمل ايه رأيك ياوليد نتفق معاك ان احنا هنتابعه انت تشجعه واحنا هنتابع من بعيد هيعمل ايه ولسه قدامنا سنه بحالها يا عالم هيحصل فيها ايه وعلى رأى مرام لو نجح البرادعى وده من رابع المستحيلات نبقى نغيره هنكون عرفنا الطريقه وقتها ونعرف نختار صح ايه رايك كده يا عم وليد
مرضى ياباشا بس والله انا عارفه ان كل ده اونطه
وشوية حركات وبردوا هيحكمنا ال مبارك عليهم السلام انا مش خايفه غير على الشباب اللى هيصدقوا زيك ان فى امل فى التغير ويمشوا ورا الحلم وفى الاخر هنلاقيهم فى السجون ويضيع مستقبلهم ربنا يستر بجد على الشباب المصرى واللى هيحصلوا
وكده احنا فهمناك يا وليد انت ماشى ورا التغير مش الشخص
يعنى متفق معانا انه مش الشخص الافضل اللى يحكم مصر
بس اى امل وخلاص ومتهيألى احنا معاك فى اى امل

[ابن البحر]

تسلم ايديك يامن والله ويلا برادعي برادعي كله زي بعضه صدقني ده زي ده زي غيره يعني لو ظبط هيبقى اول 5 سنين من اول مايمسك الحك بس وبعد كده هتبقى عاديه ويمكن الحياه تتغير زي ماننت قلت بس ربنا المستعان لنا الله

[مسافر عبر الازمان]

نجمة مصراوى المتالقة دوما ايسل اقدم تحياااااااااااااااااااااا ااتى على مواضيعك الاكثر من رائعة واسمحى لي بالتعليق فى نقاط :
اولا البرادعى لا انتظره رئيسا لبلد محطمة تحتاج الى معجزة وجراة واقدام حتى تعود لا تحتاج الى تزويق فى الكلام وحورينى ياكيكى وكده ولكن فعل وفعل وفعل جريئ جدا كمان
ثانيا اعتبر البرادعى حالة من الحراك السياسى الذى يجب ان ينظم وان تشترك فيه كل فئات الشعب المكلوب ومشاركة فعلية ليس بالكلام
ثالثا لايوجد عالساحة اى شخص يستحق او يقدر على تحمل المسئولية لانهم يتعاملون بدبلوماسية والفترة القادمة لا تحتاج الى هذه الدبلومسية الزائفة
رابعا رجب طيب اردغان ليس الشخصية الفلذية التى تصلح لقيادة مصر اختلف معك فى هذا ولكن سبب نجاح رجب طيب اردغان انه اتى فى ظروف لا تشبه ظروف مصر الحالية ولكن اتى على دولة قائمة اقتصاديا وشعب يريد المزيد فنجح
خامسا ارشخ شخصية مثل فيدل كاسترو او السادات لقيادة مصر فى الفترة القادمة شخصية حاسمة كم اعشق هذا الكاسترو واحسد شعبه عليه
سادسا الفترة القادمة لابد ان نقبل التغيير باى طريقة والتعديل بالدستور ثم الرئاسة ثم الدني واللى عيشنها
وعذرااااااااااا للاطالة اطلب السماح والعفو

[~ NORA ~]

مع احترام رأي كل واحد أنا عايزة البرادعي أحسن من جمال وحسني مبارك مية ألف ميلون مرة كفاية خراب في البلد ودمار كفاية فقراء ومرضى أنتوا فين افتحوا الاخبار شوفوا وضع الناس شو الاطفال محدش عنده رحمة في قلبكم حرااااااااااااااااااام 30 سنة كفاااااااااية والله حرام البرادعي أحسن اللي فات مات خلاص هو رجع عايز مصلحة البلد صح هيغير فيها حجات كتيييييييييييييير بس ده الاحسن شوفوا محافظة الاسماعلية مفيش مية حرااااام السبب حسني مبارك خلوا عندكم رحمة كفااااااااااااااااااية والله حراااااااااااااام شوفوا برنامج واحد من الناس وشوفوا مصر وكل الكلام واسمعوا وحسوا خلي عندكم دم وحسوا بالناس ولو انتوا بتحبوا مصر وروني هتقولوا ايه؟؟؟؟؟؟؟؟؟؟؟؟؟