رد مع اقتباس
المشاركة الأصلية كتبت بواسطة ايسل
اولا : عرفنا بنفسك
الاسم: ايسل التركى
المهنه:ليسانس اداب فلسفه عاطله عن العمل
لقبك فى منتدانا: مشرفة القسم السياسى
الاسم المستعار فى منتدانا: لا يوجد
ثانيا:الاسئله
(1) ماذا اخذ مصراوى كافيه من وقتك ؟
بأمانه خد وقتى كله
اعطى نسبه ووجوده تفصيليا
90%
(2) رساله تتمنى ان توجهها الى ا. على مدكور
اتمناله التوفيق فى التقدم بالمنتدى الى الافضل فالافضل
(3) رساله توجهها الى الاعضاء المفتقدين؟
انا مش بحب اتكلم يبقى اسمى بقول كلام وبس بس طالما سألتينى هقول المتغيبين اللى انا اعرفهم بجد مضايقه لغيابهم وحاسه انى مفتقداهم قوى ونفسى يرجعوا ينورو تانى المنتدى
(4) رساله توجهها الى الاعضاء الجدد؟
اقولهم عايزين نعرفكم فعلا وهنعرفكم ونعرف فكركم وطباعكم لما تشركونا افكاركم وده بكتابة مواضيع او بردوددكم على المواضيع
ارجوكم شاركونا وتعالو نعرف بعض كويس
(5) رساله توجهها الى الاعضاء المسجلين وليس لهم وجود فعلى فى منتدانا؟
المسجلين من غير اى مشاركه انا ليه وجهة نظر فيهم
بس احب احتفظ بيها
(6) هل لديك موهبه فى حياتك العامه من رسم..وتاليف..شعر..القدره على فتح مواضيع هامه......الخ
(نعم\لا)
نعم
زى ما تقولى كده سبع صنايع والبخت ضايع
ثالثا : الطلبات
(1) اقتراح تد ان يكون فى منتدانا ...حدثنا عنه؟
اقتراحى مختلف شويه انا نفسى نحب بعض ونخاف على بعض لو الحب والاخوه بينا فى المنتدى صدقينى ده اكتر حاجه تعلى منتدى وتخليه ناجح والحمدلله اننا بنحب بعض
(2) اذا كنت موهوب فى شئ ما ما هو؟........
بصى ياستى انا موهبتى الأساسيه هى التمثيل زى مرام يعنى ما هى وراثه
الموهبه التانيه القاء الشعر وكتابة بعض الخواطر على قدى
ومؤلفه دايما تلاقى الرغاين بيعرفوا يكتبوا وانا رغايه درجه اولى
اذا كنت شاعر....سجل قصيده
قصيدة ايه يا حاجه انا بكتب افكار بتيجى فى دماغى على قدى يعنى انا هنزل بعد رمضان فى مدونتى حاجه كتبت منها سطور صغيره ومش عايزه حد يتريق انا بقول اهو
هو انت عارف يعنى ايه تخون يعنى ايه تطعن وتغدر وحبيبك عليك يهون
اتكلم عايزه اسمعك
اوعى صوتك يرتجف ويرتعش
عايزه اسمعك وبنتباه
عندك مبررولا هتطلب السماح
سماح مفيش ولا مغفره متلقيش
اوعى تقولى ان اللى بيحب يغفر
عايزه اقولك ان اللى بيحب يخلص
اذا كنت رسام ...سجل لوحه لمنتدانا
انا افشل واحده فى الرسم
اذا كان لديك القدره على فتح لغه حوار ....قم بعمل موضوع لنا الان ونكن من ضمن قرائك
...........................الخ
انتى اللى طلبتى انا ماليش دعوه اتحملو بقى رغى
عايزه اسألكم احنا ليه كلمة الحق دايما واقفه فى حلقنا وعلى طرف لسانا ومش بنقولها ليه دايما لما نيجى ننطقها نلاقى نفسنا بنقول وانا مالى خلينى فى حالى ليه انا مثلا
اولا علشان الكلمه دى مش هتلاقى لها قبول
وهتكونى انت الغلطانه فى نهايه الامر
وكل انسان حر فى تصرفاته ...........الخ
فالاولى ان انا ماقولهاش
وانا فى المترو الاقى بنت مخمره قاعده على كرسى وماسكه مصحف صغير وبتقرا فيه وواقفه قدمها واحده كبيره جدا فى السن وواقفه سنده على الحديده ومش قادره تقف واللى بتقرا القرأن شيفاها ومستمره فى اللى بتعمله وانا وقفا هموت واقولها اللى فى ايدك ده اللى بتقريه مقالش انك تعملى كده بس بلاقى نفسى ساكته
اولا انا مش بدافع عن الظواهر دى
لكن ممكن يكون لها عزرها
يعنى مثلا ممكن تكون تعبانه مش بتقدر تقف مده طويله
ممكن تكون مريضه ولا تتحمل الوقوف
وبقولك الكلام ده لانى لدى صديق لو وقف حوالى 5 دقايق
يغمى عليه ويقع على الارض
مع العلم انه عندما يراه احد
لا يتوقع ان يكون هكذا
لانه قوى البنيان و,,,,,,
بالمعنى انه صاحب جسم رياضى
ممكن يمشى بالساعات
لكن عندما يقف ولا يتحرك جسده
يغمى عليه
ويقع على الارض
فكل انسان له اعزاره اللتى نجهلها فلنلتمس لهم عزرا من 70 عزر
ليه لما بلاقى بنت عندها 14 سنه واقفه على جنب مع ولد وشكلهم سئ جدا نفسى اقولها انتى بتهببى ايه روحى لأهلك عيب عليكى بلاقى نفسى بقول وانا مالى
اولا دى من الحالات الكتير اللى الواحد مش ممكن يتكلم فيها
ودا لاسباب كتير جداا
واهمها ان البنت دى مش محترمه
لانها سمحت لنفسها تكون فى الموقف ده
وسمحت للى معاها انه يكون معاها كده
فممكن يكون رد فعلها على كلامك اسوء من شكلها
ممكن توصل لحد الاهانه وماتلاقيش نفسك عارفه تردى عليها
لا ن العينات دى وصلت الى حد لا تتخيليه من البجاحه وانعدام الاخلاق
وقله الحياء وعندما لا تستحى البنت وتخجل من نفسها
فلا تنتظرى منها ان تستحى او تخجل منل او عليك
ولهذا فلابد من البعد عنها
وخدوا من المواقف دى كتير بنخاف من ايه ليه بنسكت ليه منقولش كلمة الحق ونتوكل على ربنا بلاش السلبيه اللى بقينا فيها دى لو اتكلمنا هنحرج اللى بيغلط ونخليه يبطل غلط ياريت نقدر ياريت
ياريت نقدر نتكلم فى موضوعاتنا العامه
اللى اثرت فينا كلنا
ياريت نقدر نقول عايزين حقنا
نقول بلاش ظلم
بلاش فساد
بلاش ...........
بلاش..........
حاجات كتير قوى ممكن نعترض عليها
ومن حقنا نعترض عليها
لكننا فعلا وصلنا لمرحله يأس
خلتنا زى النعام نطاطى الرأس
لكى لانرى بعيوننا
ونبرر لانفسنا اننا لم نرى وبالتالى لانستطيع التكلم
فأصبحنا لا نرى لا نسمع لا نتكلم
شكراا ايســــــــل
على موضوعك الرائع
الذى يكعس سلبياتنا على وجوهنا
رغم تنصلنا منها ولكنهاستطاردنا للابد
والى الان انتهى حوارنا ولكم منا كل الاحترام والتقدير
اسماء حبيبتى شكرا لكى لموضوعك المختلف الجميل
وافكارك الجميله وبالتوفيق يا قمراولا كل سنه وانتم طيبين جميعاا
و بحييكى يا اسمـــــــاء
على الموضوع الجامد جداا ده
واللى شايف فكرته بتعرفنا ببعض وتقربنا من بعض اكتر
واللى خلتنى اقرأ 14 صفحه
لحد ما عينى وجعتنى وقربت اقوم من امام الجهاز
ودا لانى اول مره اقرأ الموضوع
علشان متغيب من اول رمضان
ثانيا انا اقتبست رد الفاضله ايســل
علشان اعلق على موضوعها اللى هى فتحته
واخيراا موفقه باذن الله
ودمتى لنا
رائعه
متألقه
متميزه
قهوتنا على الانترنت
